اُردو زبان میں ناقابلِ فراموش اضافہ
میرے مخلص ترین دوست سردار دیوان سنگھ مفتوںؔ، ہماری قدیم وضعداری، ہماری قدیم شرافت، ہماری قدیم دریا دلی اور اخلاقی جرأت کی ایک ایسی عظیم یاد گار ہیں کہ اگر ہماری قوم اندھی نہ ہو چکی ہوتی تو ان کو اسی احتیاط کے ساتھ رکھا جاتا جس احتیاط کے ساتھ حکومتیں اپنے آثارِ قدیمہ کو برقرار رکھتی ہیں۔ سردار صاحب کی یہ کتاب ان کی زندگی کا ایک زبردست کارنامہ اور اُردو زبان میں ایک ایسا اضافہ ہے جسے کبھی فراموش نہیں کیا جاسکے گا۔ انہوں نے اپنی زندگی کی پیچیدہ اور طویل راہوں سے اپنے منتشر نقوشِ قدیم کو بڑی دیدہ وری کے ساتھ چُن چُن کر اس سلیقے کے ساتھ الفاظ کے سانچے میں ڈھالا ہے کہ جو اس کتاب کو غور سے پڑھے گا۔ اس کی زندگی کے راستوں پر ایسے چراغ جگمگا اُٹھیں گے ، جن کی مستقل روشنی میںوہ بے خوف وخطر آگے بڑھے گا اور کسی نشیب و فراز یا کسی موڑ پروہ ٹھوکر نہیں کھا سکے گا۔ میری دلی آرزو ہے کہ اس کتاب کوبہ ہمہ وجوہ، فروغ حاصل ہو اور حکومت اس کے بعض حصوں کو نصاب میں داخل کر کے آیندہ نسلوں تک اُس رُوحِ شرافت کے چشمے کو پہنچادے جو اَب عنقریب خشک ہو جانے والا ہے۔
کاش! ایسی کتاب کسی زندہ قوم میں شائع ہوتی!
(جوش ملیح آبادی)

Our Address
Ground Floor Burki Center, Main Market Satellite Town, Gujranwala, 52250, Pakistan
Get in touch with us
Have any queries in mind? We are here to help you
Quick Links
Customer Service
© 2025 mani.pk | ⚡ by PANTHRON

Reviews
There are no reviews yet.